10 қыркүйекте Халықаралық білім беру корпорациясында (KazGASA) жаңа оқу жылындағы алғашқы ірі студенттік іс-шара — дәстүрлі Welcome Party өтті.

Бағдарламаның негізгі бөлігі студенттік ұйымдар жәрмеңкесі болды. Университеттің 20-дан астам клубы мен бірлестігі өз бағыттарын таныстырып, алдағы жобалары туралы айтып, бірінші курс студенттерін ХБК-ның (KazGASA) белсенді студенттік қауымдастығына қосылуға шақырды.

Жәрмеңкеде шығармашылық, музыкалық, спорттық, зияткерлік, волонтерлік және технологиялық бағыттар ұсынылды. Студенттер клубтардың қызметі туралы толығырақ ақпарат алып, олардың мүшелерімен әңгімелесіп, қызықтырған сұрақтарын қойып, өз қызығушылықтары мен қабілеттеріне сәйкес бағыт таңдай алды.

Ұйымдастырушылар еркін қарым-қатынас, шығармашылық және командалық бірлік атмосферасын қалыптастырған мазмұнды бағдарлама дайындады. Welcome Party бірінші курс студенттеріне университет өмірімен танысуға, жаңа достар мен пікірлес жандар табуға, сондай-ақ студенттік бастамаларға қатысу жолындағы алғашқы қадамдарын жасауға мүмкіндік берді.

Студенттік ұйымдар университет өмірінде маңызды рөл атқарады. Олардың қызметіне қатысу жастарға көшбасшылық және кәсіби қасиеттерін дамытуға, командада жұмыс істеу тәжірибесін жинақтауға, өз идеяларын жүзеге асырып, жаңа жобалар құруға мүмкіндік береді.