2026 жылғы 11 ақпанда Халықаралық білім беру корпорациясына (KazGASA) Қонаев қаласы мен Алматы облысы әкімдігінің делегациясы келді. Сапардың мақсаты — Сәулет мектебінің оқытушылары мен студенттері әзірлеген Конаев қаласын дамыту және салу жөніндегі жобалық ұсыныстармен танысу.

Делегация құрамында Алматы облысы әкімінің орынбасары Асет Дүйсебекұлы Масабаев, Конаев қаласының әкімі Асхат Ермекұлы Бердіханов, Алматы облысының бас сәулетшісі Болат Аманжолұлы Мусылманбеков, Алматы облысы әкімі аппаратының басшысы Мурат Бахыткерімұлы Мадигулов және салалық басқармалар өкілдері болды.

Қонақтарға университеттің оқу және ғылыми зертханалары, сондай-ақ Конаев қаласының қалалық ортасын дамытуға арналған сәулеттік жобалар, соның ішінде «Көшпенділер қаласы — Тамғалы Тас» жаяу жүргіншілер көпірінің тұжырымдамасы таныстырылды. Аталған нысан бойынша плотинаның пайдаланылуына және су деңгейіне қатысты техникалық шарттарды нақтылау қажеттігі атап өтілді. Ұсынылған жобалар оң бағаланды.

Қонаев және Алатау қалаларының қалалық ортасын дамыту жобаларын әзірлеуге студенттер мен профессор-оқытушылар құрамының қатысуы, сондай-ақ ХБК (KazGASA) ғылыми зертханаларын Алматы облысы әкімдігінің ғылыми базасы ретінде пайдалану мүмкіндігі талқыланды. Облыс әкімінің орынбасары Шарын шатқалындағы Қара шатқал арқылы өтетін көпір жобасын әзірлеушілер мен Сәулет мектебінің профессорлары арасындағы өзара іс-қимылды жолға қоюды тапсырды. Сонымен қатар Алатау қаласының туристік кластерін әзірлеуге Сәулет мектебінің шығармашылық әлеуетін тарту мәселесіне қызығушылық білдірілді.

Кездесу қорытындысы бойынша тараптар әрі қарайғы ынтымақтастық туралы уағдаласты, оның ішінде қонақ дәрістер өткізу және оқу мен ғылыми-жобалық үдеріс аясында жаңа қалалық жобаларды әзірлеу.