Халықаралық білім беру корпорациясының ректоры Сабденалиев Бахтияр Асылбайулы және ғылым және инновациялар жөніндегі проректор Молдамуратов Жангазы Нуржанович Түркия Республикасына жұмыс сапарын жүзеге асырып, жетекші университеттер мен индустрия өкілдерімен бірқатар кездесулер өткізді. Келіссөздер білім, ғылым және инновациялар саласындағы әріптестікті дамытуға, сондай-ақ ХБК (KazGASA) студенттері мен оқытушылары үшін жаңа мүмкіндіктер қалыптастыруға бағытталды.

Жұмыс сапарының нәтижесінде Түркияның жетекші техникалық және салалық бағыттағы сегіз университетімен ынтымақтастық жөнінде келісімдерге қол жеткізілді. Бұл қадам ХБК-ның халықаралық серіктестік байланыстарын нығайтуға және университеттің ғылыми-білім беру әлеуетін одан әрі дамытуға мүмкіндік береді.

Өткізілген кездесулер аясында келесі университеттермен ынтымақтастық туралы меморандумдар жасалды:
• Хаджы Байрам Вели университеті (Анкара)
• OSTIM техникалық университеті (Анкара)
• Конья техникалық университеті (Конья)
• Таяу Шығыс техникалық университеті — METU (Анкара)
• Йылдырым Баязит атындағы Анкара университеті (Анкара)
• Анкара әлеуметтік ғылымдар университеті (ASBU)
• Йылдыз техникалық университеті (Стамбул)

Сонымен қатар, Стамбул техникалық университетімен (Стамбул) келіссөздер өткізіліп, тараптар серіктестік қатынастарды дамытуға өзара мүдделілік білдірді.

ХБК ректоры Сабденалиев Бахтияр Асылбайулы атап өтті:
«Айрықша атап өту керек, 2013 жылы Амирлан Айдарбекович (KazGASA Құрметті президенті және Халықаралық білім беру корпорациясының негізін қалаушысы) Йылдыз техникалық университетімен алғаш рет байланыс орнатқан болатын, және бүгінде, жылдар өткен соң, біз бұл институционалдық ынтымақтастықты табысты түрде қайта жандандырдық.».

Қол қойылған келісімдер академиялық ұтқырлық бағдарламаларына, бірлескен ғылыми-зерттеу жобаларына, тағылымдамаларға кең мүмкіндіктер ашады.