2026 жылғы 13 ақпанда Халықаралық білім беру корпорациясында (KazGASA) «Жеке бостандық құқығы: құқықтық негіздер және зорлық-зомбылық, сталкинг және некеге мәжбүрлеу үшін жауапкершілік» тақырыбында ашық дәріс өтті.

Іс-шара студенттердің құқықтық сауаттылығын арттыруға және адам құқықтарына құрмет мәдениетін қалыптастыруға бағытталды. Дәріс барысында Қазақстан Республикасының жеке бостандықты қорғауға қатысты заңнамасының негізгі нормалары, сондай-ақ зорлық-зомбылық, қудалау (сталкинг) және некеге мәжбүрлеу үшін көзделген жауапкершілік мәселелері қарастырылды.

Сонымен қатар құқықтарды қорғаудың практикалық тетіктері, жеке бостандық бұзылған жағдайда әрекет ету алгоритмдері және уәкілетті органдарға жүгіну жолдары талқыланды. Қатысушылар өзекті әлеуметтік-құқықтық мәселелер бойынша сұрақтар қойып, тиісті түсіндірмелер алды.

Осындай іс-шаралар қауіпсіз білім беру ортасын қалыптастыруға, академиялық адалдық қағидаттарын нығайтуға және білім алушылардың құқықтық мәдениетін дамытуға ықпал етеді.