2026 жылғы 16 наурызда Халықаралық білім беру корпорациясында (KazGASA) Дизайн мектебінің студенттеріне арналған «Дизайндағы заманауи материалдар» пәні аясында мастер-класс өтті.

Спикер ретінде GAUDI PAINT компаниясының техник-оформитель маманы Зебольд Валерий Анатольевич сөз сөйледі. Мастер-класс барысында қатысушыларға заманауи лак-бояу шешімдері, сәндік сылақ түрлері, сондай-ақ әрлеу материалдарын дизайнерлік және архитектуралық жобаларда қолданудың жаңа мүмкіндіктері таныстырылды.

Студенттер әрлеу жұмыстары саласындағы заманауи технологиялармен, материалдарды таңдау ерекшеліктерімен және оларды интерьерлік шешімдерде практикалық қолдану тәсілдерімен танысты. Әсіресе интерьерде әртүрлі фактуралар мен визуалды эффектілер жасауға мүмкіндік беретін сәндік жабындарға ерекше назар аударылды.