2026 жылғы 21 қазанда Халықаралық білім беру корпорациясында (KazGASA) халықаралық сәулет сарапшысы, АҚШ-тағы Галлодет университетінің DeafSpace жобасының негізін қалаушылардың бірі Хансель Бауманның қатысуымен қонақ дәрісі өтті. Іс-шара сәулет және дизайн саласындағы заманауи тәсілдерді зерделеуге, инклюзивті ортаны қалыптастыру мәселелерін талқылауға және студенттердің халықаралық кәсіби тәжірибе туралы түсінігін кеңейтуге бағытталды.
«2040 жылғы қалалар: адамға бағдарланған сәулет және жобалау» тақырыбындағы дәріс барысында болашақ қалалардың дамуы, сәулеттік кеңістіктің қолжетімділігі және әртүрлі пайдаланушылардың қажеттіліктерін ескеретін жобалау қағидаттары қарастырылды. Спикер DeafSpace тұжырымдамасының маңыздылығына тоқталып, сәулеттік ортаны қалыптастыруда адамның кеңістікті қабылдау ерекшеліктерін ескерудің қажеттілігін атап өтті.
Дәріс аясында инклюзивті жобалаудың сәулет саласындағы рөліне және заманауи қалалық ортаны дамытудағы әлеуетіне назар аударылды. Кездесу студенттер мен оқытушыларға халықаралық тәжірибемен танысып, сәулет пен дизайндағы адамға бағдарланған шешімдердің маңызын жан-жақты түсінуге мүмкіндік берді.
Халықаралық білім беру корпорациясында осындай академиялық кездесулерді өткізу білім беру үдерісін халықаралық тәжірибемен ұштастыруға, студенттердің кәсіби құзыреттілігін арттыруға және сәулет пен дизайн саласындағы заманауи білім мен инновациялық идеялардың таралуына ықпал етеді.