2026 жылғы 22–28 маусым аралығында Халықаралық білім беру корпорациясы (KazGASA) Қазақстандағы ең ірі білім беру жобаларының бірі – ауылдық өңірлердегі дарынды оқушыларды қолдауға бағытталған IQanat 2026 Гранд-финалының өткізілу алаңы болды.

IQanat білім беру қорымен серіктестік аясында ХБК (KazGASA) инфрақұрылымы Қазақстанның барлық өңірлерінен келген жобаның үздік қатысушыларын біріктірген олимпиаданың қорытынды кезеңін өткізу үшін ұсынылды.

Бір апта бойы ХБК (KazGASA) кампусы шамамен 1000 оқушыны қабылдады. Олар байқау сынақтарынан өтіп, білім беру іс-шаралары мен кәсіби бағдар беру бағдарламаларына қатысты. Қатысушылардың жайлы болуы үшін оқу аудиториялары, қоғамдық кеңістіктер, асханалар, сондай-ақ финалистер тұратын Студенттер үйлері ұсынылды.

IQanat Гранд-финалының ХБК (KazGASA) базасында өткізілуі университеттің еліміздің адами капиталын дамытуға, талантты жастарды қолдауға және оқушылардың тұрғылықты жеріне қарамастан сапалы білім алуына тең мүмкіндіктер жасауға қосқан маңызды үлесі болды.

Ұлттық ауқымдағы білім беру бастамаларын қолдау Халықаралық білім беру корпорациясының әлеуметтік миссиясының маңызды бөлігі болып табылады. Университет дарынды оқушыларды анықтау мен қолдауға, олардың кәсіби және тұлғалық дамуына жағдай жасауға бағытталған бағдарламаларды жүйелі түрде жүзеге асырып келеді.

IQanat-пен ынтымақтастық аясында университет жыл сайын жоба түлектеріне бес білім грантын ұсынады. Бұл гранттар жоғары академиялық нәтижелер көрсетіп, одан әрі дамуға ұмтылатын талантты жастарға арналған. Бастама оларға еліміздің жетекші жоғары оқу орындарының бірінде білім алып, сәулет, құрылыс, дизайн және инженерия салаларындағы әлеуетін жүзеге асыруға мүмкіндік береді.

Халықаралық білім беру корпорациясы IQanat командасына сенім білдіргені және Қазақстанның жаңа буын көшбасшылары мен кәсіби мамандарын тәрбиелеуге ықпал ететін ауқымды білім беру жобасының бір бөлігі болуға мүмкіндік бергені үшін алғыс білдіреді.