KazGASA-ның 45 жылдығын мерекелеу аясында Халықаралық білім беру корпорациясында дизайн саласындағы жетекші кәсіби қауымдастық өкілдері мен студенттерді біріктірген Design Showcase білім беру іс-шараларының сериясы өтті.

Бағдарлама дәрістер мен шеберлік сабақтарын қамтып, білім алушылардың индустрия мамандарымен өзара әрекеттесуіне, заманауи трендтерді талқылауына және кәсіби тәжірибеден алынған нақты кейстермен танысуына тиімді алаң болды. Іс-шара форматы студенттерге практикалық білім алуға және қазіргі еңбек нарығының талаптарын тереңірек түсінуге мүмкіндік берді.

Өз тәжірибесімен және кәсіби көзқарасымен келесі шақырылған сарапшылар бөлісті:

• Мадина Касымбекова — Дизайн мектебінің индустриялық комитетінің төрағасы, оқу-әдістемелік бірлестік мүшесі, Vertex Studio дизайн-бюросының жетекшісі және концептуалдық директоры;
• Екатерина Пупченок — индустриялық комитет және оқу-әдістемелік бірлестік мүшесі, Vertex Studio дизайн-бюросының креативті директоры;
• Виктория Баелева — Wabi-Sabi студиясының негізін қалаушы;
• Анна Котельникова — Bianco Nero Studio студиясының негізін қалаушы;
• Татьяна Колесникова — BRIO Interior студиясының негізін қалаушы;
• Яна Хох — In Art We Trust студиясының жетекшісі;
• Марина Сапунова — ACCORDO PRIMA авторлық интерьерлер бюросының негізін қалаушы.

Кездесулер барысында студенттер құнды практикалық ұсыныстар алып, кәсіби инсайттарға ие болып, сарапшыларға сұрақтар қою мүмкіндігіне ие болды.

ХБК (KazGASA) Design Showcase іс-шараларын ұйымдастыру бастамашылары — Екатерина Пупченок пен Мадина Касымбековаға — жоғары деңгейдегі ұйымдастыруы, белсенді қатысуы және практикалық-бағытталған білім беруді дамытуға қосқан үлесі үшін ерекше алғысын білдіреді.