2026 жылғы 12 наурызда Халықаралық білім беру корпорациясында (KazGASA) «Жайлы орта» байқауы аясында қалалық ортаны жобалаудың заманауи тәсілдеріне арналған қонақ дәрісі өтті.

Іс-шараның спикері ARCHITAS компаниясының әзірлеу бөлімінің жетекшісі Раиль Ильясович Халилов болды. Дәріс барысында ол қалалық жиһаз бен шағын сәулеттік формаларды жобалаудағы қазіргі тенденциялар туралы айтып, алгоритмдер, цифрлық құралдар мен инновациялық технологиялардың сәулеттік және дизайнерлік жобалау үдерістерін қалай өзгертіп жатқанын түсіндірді.

Сондай-ақ қалалық орта объектілерін жасауда цифрлық технологияларды енгізу, алгоритмдік жобалауды қолдану және архитектура, дизайн мен технологиялардың өзара ықпалдастығының жаңа формаларын дамыту мәселелеріне ерекше назар аударылды.

Дәріс сәулет және дизайн бағытында білім алып жатқан студенттер арасында, сондай-ақ заманауи қалалық ортаның дамуына және инновациялық жобалау әдістеріне қызығушылық танытатын тыңдаушылар арасында үлкен қызығушылық тудырды. Мұндай кездесулер студенттердің кәсіби құзыреттерін дамытуға және университеттің индустриялық серіктестерімен ынтымақтастығын нығайтуға ықпал етеді