2026 жылғы 5 наурызда Халықаралық білім корпорациясының (KazGASA) Құрылыс мектебінің студенттері үшін салынып жатқан «Diamond» тұрғын үй кешенінің құрылыс нысанына таныстыру экскурсиясы ұйымдастырылды.

Экскурсия барысында студенттер заманауи құрылыс жобасын жүзеге асыру ерекшеліктерімен танысып, нысанда қолданылып жатқан инженерлік шешімдерді зерттеу мүмкіндігіне ие болды. Жоба мамандары қатысушыларға құрылыс жұмыстарының негізгі кезеңдері, қолданылатын технологиялар және құрылыс алаңындағы өндірістік процестердің ұйымдастырылуы туралы айтып берді.

Әсіресе инновациялық инженерлік шешімдерге ерекше назар аударылды. Атап айтқанда, ауаны сүзудің бірегей жүйелері, ғимараттың сейсмотұрақтылығын қамтамасыз ету, сондай-ақ болашақ тұрғындардың жайлылығын арттыруға бағытталған тиімді жоспарлау шешімдері таныстырылды.

Студенттермен кездесуді Kusto Group компаниясының Kusto Home бөлімшесінің директоры Мурат Утемисов өткізді.

Осындай көшпелі іс-шаралар студенттерге заманауи құрылыс технологиялары туралы практикалық түсінік алуға, құрылыс нысандарындағы нақты жұмыс жағдайымен танысуға және болашақ кәсіби қызметінің ерекшеліктерін тереңірек түсінуге мүмкіндік береді.

Экскурсияны ұйымдастыруға қолдау көрсеткені және құрылыс саласының болашақ мамандарын даярлауға қосқан үлесі үшін Kusto Home компаниясына алғыс білдіреміз.