Әскери кафедра

Әскери дайындық

Қазақстан Республикасының Қарулы Күштері үшін әскери-есептік мамандықтар бойынша әскери қызметке азаматтарды дайындау жоғары кәсіптік білім негізінде жүзеге асырылады. Бұл оқу бағдарламасы әскери-оқытылған резервті қалыптастыру және офицерлік пен сержанттық құрамның бастапқы лауазымдарын қосымша жасақтау мақсатында өткізіледі.

Офицерлер мен сержанттар құрамын даярлау бағдарламасы

Әскери дайындық мемлекеттік білім беру тапсырысы және ақылы негізде жүргізіледі.
Тегін оқу үшін ХБК студенттері қабылданады. Бұл орындарға тек рейтинг бойынша жоғары көрсеткіштерге ие студенттер іріктеледі (бөлінген орын санына сәйкес).

Байланыс нөмірі: +7 707 879 00 17

Қордағы офицерлерді даярлау бағдарламасы бойынша оқуға қабылдау:

Құжаттар қабылданады:

  • 1-курс студенттерінен (3 және 4 жылдық оқу бағдарламалары)
  • 2-курс студенттерінен (5 жылдық оқу бағдарламасы)

Қордағы сержанттарды даярлау бағдарламасы бойынша оқуға қабылдау:

Құжаттар қабылданады:

  • 1 және 2-курс студенттерінен (4 жылдық оқу бағдарламасы)
  • 1, 2 және 3-курс студенттерінен (5 жылдық оқу бағдарламасы)

Конкурстық іріктеуге қатысу үшін құжаттар тізімі:

  • Белгіленген үлгіге сәйкес қабылдау туралы өтініш
  • Жеке басты куәландыратын құжат немесе цифрлық құжаттар сервисінен алынған электрондық құжат (жеке басын сәйкестендіру үшін)
  • Әскери есепке алу куәлігі немесе әскери билет (түпнұсқа және көшірме).
  • 3х4 см өлшеміндегі 4 фотосурет.
  • Сотталғандығының бар немесе жоқ екендігі туралы анықтама.
  • Спорттық жетістікті растайтын құжат (бар болған жағдайда).
  • Факультеті мен мамандығы көрсетілген ЖОО-да нақты оқып жатқандығы туралы анықтама.
  • Скоросшиватель – 1 дана.
  • Файл парағы – 2 дана.

Әскери кафедраға түсу тәртібі

Конкурсқа күндізгі оқу нысаны бойынша ЖЖОКБҰ-да оқитын студенттер, конкурс өткізілетін жылға 24 жастан аспаған ҚР азаматтары қатыса алады.Әскери кафедрада оқу үшін студенттерді іріктеу конкурсы төрт кезеңде жүзеге асырылады:

I кезең

Жергілікті әскери басқару органдарында (әскери комиссариаттарда)медициналық куәландырудан өту

II кезең

Кәсіптік-психологиялық тестілеуді өткізу (әскери кафедрада)

III кезең

Дене дайындығын тексеру (әскери кафедрада)

IV кезең

Жжокбұ басшысы жасайтын және бекітетін рейтингтік балдың есебіне сәйкес жүзеге асырылатын конкурстық іріктеу

Қосымша ақпарат

Әскери кафедра құжаттарды қабылдауды бастайды:

3 ақпаннан бастап және іріктеу комиссиясының жұмысы басталғанға дейін 10 жұмыс күні бұрын аяқталады.

Байланыс телефоны: 8-707-879 00 17

Дүйсенбі–жұма, 9:00-ден 16:30-ға дейін

Презентация