2026 жылғы 14 ақпанда Халықаралық білім беру корпорациясында (KazGASA) Suret Design білім беру орталығымен бірлесіп ұйымдастырылған шығармашылық форум өтті. Іс-шара офлайн форматта өтіп, мектеп оқушыларын, ата-аналарды, оқытушыларды және кәсіби қауымдастық өкілдерін жылы әрі шығармашылық атмосферада біріктірді.

Форум аясында спикерлер, курс түлектері және шақырылған қонақтар сөз сөйлеп, өздерінің кәсіби тәжірибелерімен, мамандықтағы қалыптасу жолындағы шабыттандыратын оқиғаларымен және практикалық ұсыныстарымен бөлісті. Suret Design өкілдері мектеп оқушыларына Ұлттық бірыңғай тестілеуге және шығармашылық емтихандарға дайындалу туралы айтып, бағалаудың негізгі критерийлеріне тоқталды және бәсекеге қабілетті портфолио қалыптастыру бойынша кеңестер берді.

Іс-шараға ХБК (KazGASA) профессорлары — Сәулет мектебінің профессор-зерттеушісі Козбагарова Нина Жошевна және «Сәулеттік және өнеркәсіптік дизайн» кафедрасының меңгерушісі Иманбаева Жанерке Асхатовна қатысты. KazGASA Түлектер қауымдастығы аясында шақырылған спикер ретінде академия түлегі, Parametric Pro сәулет бюросының CEO-сы Шадыбеков Темирхон сөз сөйледі.

Темирхон Шадыбеков ашық диалог форматында дәріс өткізіп, сәулет және дизайн саласындағы кәсіби жолы туралы баяндады, бюроның жүзеге асырылған жобаларын таныстырды және студенттер мен жас мамандарға құнды практикалық ұсыныстар берді.

Форум соңында қонақтар үшін академияның оқу корпусына экскурсия ұйымдастырылып, қатысушылар білім беру ортасымен, инфрақұрылымымен және ХБК (KazGASA) ұсынатын шығармашылық әрі кәсіби әлеуетті дамыту мүмкіндіктерімен танысты.