2025 жылдың 6 қарашасында Халықаралық білім беру корпорациясында (KazGASA) Инженерия мектебінің студенттеріне арналған «Women in Tech Kazakhstan» қоғамдық бірлестігі өкілдерінің қатысуымен форум өтті.

Кездесу «Өмір сүр, үйрен, жаса: энергия, көшбасшылық және жасанды интеллект» атты панельдік сессия форматында ұйымдастырылды. Іс-шараның негізгі мақсаты – студенттерді көшбасшылық және кәсіпкерлік қасиеттерін дамытуға шабыттандыру, технология саласындағы мансаптық жолдардың нақты мысалдарын көрсету, сондай-ақ жасанды интеллект дәуірінде тепе-теңдік пен энергияны қалай сақтауға болатынын талқылау болды.

Пікірталасқа Қазақстанның IT саласының жетекші өкілдері қатысты:

• Лаура Саламат — сертификатталған IT-сәулетші, «NNEF» қоғамдық қорының цифрлық трансформация жөніндегі жетекшісі, Women in Tech Kazakhstan өкілі;
• Әсел Марченко — ҚР Ұлттық банкінің «Ұлттық төлем корпорациясы» АҚ төраға орынбасары, Google Developer Group елшісі, технологиялық іс-шаралардың ұйымдастырушысы;
• Татьяна Плотникова — gro.now стартапының негізін қалаушы, TechWomen бағдарламасының түлегі, Women in Tech Kazakhstan қатысушысы.

Спикерлер өздерінің өмірлік оқиғаларымен және кәсіби тәжірибелерімен бөлісіп, оқу мен жұмысты, спорт пен қоғамдық қызметті қалай үйлестіруге болатынын, жеке жобаларды дамытудың және жасанды интеллект мүмкіндіктерін тиімді пайдаланудың жолдарын айтып өтті.

Форум ХБК (KazGASA) студенттері үшін маңызды оқиға болды — ол IT саласындағы даму перспективаларына жаңа көзқарас беріп, жеке бастамаларға шабыт сыйлады.